masreya

Thursday, February 23, 2006

مايحكمش

كل ليل طويل و له أخر
و بحور الصبر هنعديها للأخر
و إذا كان فيكي يا بلد رمق و لو أخر
مايحكمش
أبوابنا فتحوها علي الأخر
و خيرك و نهبوه علي الأخر
كلمة بقولها لك من الأخر
مايحكمش
ضباع علينا نعاج أمام الآخر
تنكيل و ذل لينا و سماسرة للآخر
حابسين وطن كامل لخدمة الآخر
مايحكمش
تجويع و غربة و شقي و برضه نغرق في الأخر
و من فساد لفساد بيبرطعوا علي الأخر
انطقي و عرفيني مستنية ايه في الأخر
مايحكمش
اللي كبر و ادمن النفاق من الآخر
شبع و جاتله تخمة و عن هبر الطعام ما يتاخر
في عرفه مانسويش و يستهزئ بينا و بضحكه علينا يتفاخر
مايحكمش
أه يا بلد و أيه وصلك في طابور الدنيا للأخر
و خربها و قعد علي تلها راخر
مش راح تقولي بقي لأ و تصرخي علي الأخر
مايحكمش

5 Comments:

  • ولادي خربوها
    وجم يسالوني ... ايه وصلك للأخر

    نهبوا وسرقوا
    واللي ما سرقش ساكت

    فعلا ... ما يحكمشي

    By Blogger Darsh-Safsata, at 8:28 AM  

  • لا أستطيع هذة المرة أن أكتفى بإبداء إعجابى بكتاباتك
    بل يجب أن أتساءل أيضا لما لا تنشرين هذة الأعمال
    إنها لا تنم فقط عن موهبة حقيقية وإنما أيضا تتميز بأصالة وعمق وإنتماء حقيقى
    أشكرك وليس فقط على القصيدة إنما أيضا لأنك ببساطة وضعت يدك على الحل
    شكرا مرة أخرى

    By Blogger MASRY, at 4:01 PM  

  • هايحكم ..؟


    شكرا جزيلا

    By Blogger folan el folany, at 12:33 PM  

  • القافية حكمت:

    أول ما بتسمع بعض الجهات عن حكم قضائي ضدها.. بتطلع كلمتين لا ثالث لهما :


    ما يحكوووووووووووومشيييييييي!

    By Blogger قلم جاف, at 12:05 PM  

  • قوم يامصرى
    يوم 15 نوفمبر 2009 هيكون بعون الله يوم التحرير
    ******ياجيش ويا بوليس
    *****وياشيوخ الإسلام
    إنتوا ولاد بلد.... ومصرين
    راعوا ربنا وردوا للبلد كرامتها
    الحلة فارت وبتغلى ,أخواتكم وولادكم بيعانوا
    الناس تعبوا قوى واليأس والحزن معشش علينا
    ليه بتحموا الخاين وشلته الحراميه المفترسين الظالمين؟
    سيبوهم يغادروا البلاد ويروحوا لحبايبهم إللى بيستغلوهم
    الثوره قايمه قايمه بس مش عاوزين دم يسيل
    مصر ياما شافت الويل لكن عمرها مماتت
    أوعى حد يضرب عصايه أو يطلق رصاصه
    عــــــــــــلى أخوه وعياله وقرايبه
    العصيان المدنى بمحبه وسلام هو الحل
    كل مصرى ياخد بعضه وكل من بيحبه ويعزه
    على رجله, بالعجله, بحماره, حصانه أو عربيته
    ويقعد عالنيل ويسد كوبرى 10 أكتوبر
    أزأزوا لب وكلوا سندوتشات وإشربوا ميه وعصاير
    وإشحنوا الموبايل
    خليكم مرابطين. يوم يومين تلاته عشره. ربنا هيحرسكم
    لحد ما العيله المالكه ما تغادر البلاد
    نصلى جماعه وكل واحد يواصل عمله
    تحيا مصــــر
    صلاح عبد الله بألمانيا

    By Blogger قوم يامصرى, at 4:38 AM  

Post a Comment

<< Home