حكايات المترو الحكاية الاولي: الناس في كفر عسكر

تبدأ مناقشة حامية بيناربع سيدات فيما بين الاربعين و الخمسين من العمر،يجلسن امامي في عربة المترو، بينما اتكأ علي ظهر المقعد واقفة اقرأ الاهرام ويكلي
تنافر واضح و صريح بين حجمي و احجامهن، ما ارتديه من بلوزة بسيطة و جينز بيمنا شعري يحيط بوجهي في غير تعمد يعطي شكلي سنا اصغر مما انا عليه
كلهن محجبات، ااثنين نهن يتمتعن بالشكل القومي للمراة المصرية الموظفة في الحكومة
الثالثة تسمع باهتمام و لا تشارك بينما المحاورة الرابعة هي سيدة من منطقة شعبية ، من منظر الجلابية السوداء و طريقة ربط الطرحة
كن في غاية الحماس

• شفت امبارح في الحلقة لما دست السم لجوزها
• لا و كمان بتخطط كل مرة لجوازة شكل و بتتحكم في الرجالة
• اصل كفر عسكر دي بلد بجد، و بيقولك مفيش هناك نسوان زي اللي مطلعينها دي في المسلسل
• ايوة طبعا ده الناس هناك بيقولوا ان مفيش حاجة من دي حصلت اصلا و كل الحكايات دي كدب، امال ستاتهم مش كده خالص و ميعرفوش واحدة كانت بالفجر ده هناك

الي هنا و لم استطع ان اسكت، ندخلت في الحديث، و توجهت بالسؤال لمن بدت عليها إمارات الوظيفة

• حضرتك فاكرة ان دي قصة واقعية و انها بتحكي عن القرية دي و الناس اللي فيها، لم انتظر الاجابة، حضرتك واضح انك متعلمة و بتشتغلي كمان مخدتيش بالك ان الست اللي دلال عبد العزيز بتقوم بدورها، هي اسرائيل، و الرجالة اللي بتلعب بيهم هم رمز للبلاد العربية

و كأنني في البداية اتحدث اللغة الصينية، بعد ثواني، حاولت الموظفة ان تنفي عن نفسها تهمة عدم الفهم، و التي يمكن اتكون قد استشعرت انها ايضا تهمة بالغباء،و انبرت قائلة

• ما انا برضه قلت كده،

السيدة من المنطقة الشعبية كانت عيناها متسعتان لا اعرف من الدهشة لكلامي او لمراجعة ما قلته، لم افلت الفرصة و اكملت

• الكاتب موضح الشخصيات و التفاصيل كلها هي الصراع العربي الاسرائيلي، مش دلال عبد العزيز هي و اهلها في البداية هم مجموعة من خارج البلد جت و سكنت فيها و بالتدريج خلوا الناس تبيع لهم الارض و البيوت و تسيب البلد ليهم، و بعدين بدأوا يسيطروا علي كل حاجة، و كان صلاح السعدني و اولاده بيقاوموهم، عنك مثلا لما ابنه الكبير اتجوز بنت منهم علشان يبقي فيه صلح بين اهل البلد الاصليين و بين اهل دلال، مش هي دي اتفاقية السلام،

و هكذا ظللت افك لهم الرموز في المسلسل، و للحظة خفت ان اكون سخيفة، لكن صمتهن و متابعتهن شجعتني اكثر، كنت محرجة هل اتابع ؟ هل يفهمنني؟ هل يقلن بين انفسهن ما لهذه و ما لنا و للصداع الذي تحكيه، عندما وصلت الي نقطة ان صالح حفيد صلاح السعدني هو رمز للشباب المصري اللي وقف و اتصدي في حرب اكتوبر 73 و رجع جزء من ارض اجداده، حتي امسكت بكتفي سيدة لم الحظها قبلا في اواسط الخمسينيات او اكبر، بحكم المظهر الفقير و الكادح قد تكون اصغر من هذا، و قالت لي

• ايوة عند حق علشان كده الواد ابن ابنه مرضاش يسيب حقه و لا يسيب الارض، ايوة فعلا عند حق

التفت اليها و غمرني فرح كبير، فها هي من لم اتعمد ان اتواصل معها كانت طوال المناقشة مهتمة و تتابع و فهمت ما اردت ان اقوله